Академияның негізін қалаушы – заң ғылымдарының докторы, профессор Жалаири Өмірәлі Шакарапұлы өзінің ғылыми педа­гогикалық қызметін С.М.Киров атындағы ҚазМУ-дің заң факуль­тетінің ассистенті болып бастап, 1992 жылы әл-Фараби атындағы Қаз ҰУ-нің «Қонституциялық және әкімшілік құқық» кафедрасын басқарып, ірі заңгер-ғалым әрі көрнекті ұйымдастырушы ретінде қалыптасқанға дейінгі барлық негізгі кезеңдерді бастан өткер­ген жан. Қазақстан Республикасының еңбек сіңірген қайраткері Өмірәлі Шакарапұлы біздің еліміздегі озық ойлы қоғамдық қай­раткерлердің арасында ерекше орынға ие. Ол беделді ғалым және көрнекті қоғам қайраткері. Алматы облысының және Ескелді, Кер­бұлақ аудандарының Құрметті азаматы.

2003 жылдан бері Жалаири Қазақстан Республикасы Президенті жанындағы құқықтық саясат Кеңесінің мүшесі, сөйтіп, Қазақстан­ды нағыз құқықтық мемлекетке айналдыру сияқты күллі еліміз үшін өзекті мәселелерді талқылауға белсене қатысуда. 2005 жылы тамыз айында «Заңгерлер әділетті сайлау үшін» Ре­спубликалық Бірлестігі құрылып, оның Алматы облысындағы Басқармасының Төрағасы әрі сайлауды бақылау жөніндегі Коми­теттің Үйлестіруші Кеңесінің Төрағасы болып Өмірәлі Шакара­пұлы Жалаири сайланды.

Профессор Жалаири Қазақстан Республикасының Кримонологи­ялық ассоциациясының президенті және Ресей криминалистер және криминологтар Одағының Орта Азиядағы әрі Қазақстандағы өкілі, халықаралық заңгерлер Одағының мүшесі. 2007 жылы кон­ституциялық реформа кезеңінде профессор Жалаири Қазақстан Республикасының Негізгі Заңы – Конституцияға өзгерістер мен толықтырулар енгізу жөніндегі Жұмыс тобының мүшесі болды. Сонымен қатар 2017 жылы профессор Жалаири мемлекеттік билік тармақтары арасындағы өкілеттіктерді бөлу мәселелері жөніндегі Жұмыс комиссиясының мүшесі болып сайланды.

Оның басшылығымен 6 докторлық және 70-тен аса кандидаттық диссертациялар қорғалды. 2012 жылы Петров ғылым және өнер академиясының (Санкт-Петербургте) корреспондент-мүшесі бо­лып сайланды. Қазақстан жоғары мектебі ғылыми академиясының академигі, Қазақстан Педогогика Ғылымдары Академиясының мү­шесі (академигі) профессор Жалаири отандық ғылымға сіңірген еңбегі және отандық білім беру ісін дамытуға қосқан үлесі үшін «Құрмет» орденімен, «Конституцияның 10 жылдығы», «Консти­туцияның 20 жылдығы» мерекелік медальдарымен марапатталды.

Адрес: 050022,Республика Казахстан,г.Алматы,ул.Курмангазы 107, уг.ул.Байтурсынова, каб. 404.

телефон: +7 (727) 3507888 факс: 2929877

 E-mail:  This email address is being protected from spambots. You need JavaScript enabled to view it.